Tag Archive for: Rehabilitación

Mahukatxo birakaria hausteak eragindako sorbalda pseudoparalitikoen kasuetan protesi alderantzikatuek berriz mugitzeko aukera ematen dute

/by

Gaur hasi da Deustuko Unibertsitateko Bilboko campusean I. Basque Shoulder Course, urteko hitzordurik garrantzitsuenetako bat sorbaldako protesiaren kirurgiari eta artikulazio horretako tendoien transferentziari dagokienez. Prestakuntza ekimen aitzindari hau Santurtziko San Joan Jainkoarena Ospitaleko (Bizkaia) Kirurgia Ortopediko eta Traumatologiako zerbitzuak eta Gasteizko Kirurgia Artroskopikoko Unitateak (UCA) antolatzen dute, eta Kirurgia Ortopediko eta Traumatologiako Espainiako Elkartearen eta Sorbalda eta Ukondoko Kirurgiako Espainiako Elkartearen berme zientifikoa du.

I. Basque Shoulder Course-ren zuzendari zientifikoak dira Iban Aransaez doktorea, Santurtziko San Joan Jainkoarena Ospitaleko traumatologoa, eta Sergio González, Kirurgia Artroskopikoko Unitateko traumatologoa. Horiekin batera, Espainiako eta nazioarteko hainbat aditu bildu dira Bizkaiko hiriburuan, hala nola, Jean-David Werthel, Ambroise-Paré Ospitalekoa (Paris); Pierre Abadie, Bordeleko Kirol Klinikakoa; Raúl Barco eta Samuel Antuña, Madrilgo La Paz Ospitalekoak; eta Mikel Sánchez, UCAren sortzaile eta zuzendari mediko eta zientifikoa.

Ikastaroko zuzendariek, ikastaroa dela eta, sorbaldako protesien diseinuaren bilakaera eta garapena nabarmendu dituzte, «arazo eta paziente mota zehatz bakoitzera egokituz».

Kirurgia Ortopedikoko eta Traumatologiako espezialistek, sorbaldako patologia osteomuskularra duten pazienteen arretan hamarkadetako esperientzia dutenek, artikulazio honetako kirurgia protesikoaren jarraibide nagusiak aztertu dituzte. Hala, sorbaldako artrosi larriak, sorbaldako hausturen ondorioak, humeroaren buruko nekrosi abaskularrak eta sorbalda pseudoparalitikoa duen mahukatxo birakariaren tendoien haustura masibo konponezina duten gaixoen kasuak aipatu dituzte.

Lehen motari dagokionez, sorbaldako artrosia duten eta sorbaldan sintomatologia mingarria eta zurruntasuna duten pazienteen kasuei buruz honakoa adierazi dute: «Protesi eredu desberdinak daude, segun eta mahukatxo birakariaren tendoiak osorik eta funtzionalak dauden edo, aldiz, hautsita eta ez-funtzionalak dauden. Tendoiak funtzionalak ez diren kasuetan, “alderantzikatua” izeneko protesia jarri ohi da, mugimenduaren palanka deltoide muskuluak egin dezan, mahukatxo birakariaren beharrik gabe».

Bestalde, Iban Aransaez eta Sergio González doktoreek sorbaldako kirurgia protesikoa egin dezaketen beste paziente talde bat aipatu dute: humero proximalaren haustura arrastoak dituzten pertsonena, hau da, artikulaziotik gertuen dagoen humeroaren zatia, anatomia desegituratuta eta sorbaldan min eta zurruntasun sintomak gelditu diren kasuetan. Azaldu dutenez, alderantzizko protesiari etekina atera diezaiokete, halaber, humeroaren buruko haustura konplexuak (hainbat zatitan) dituzten pazienteek, bereziki hezur dentsitate txikia duten paziente adinduek, anatomia berreraikitzea posible ez den lekuetan.

Sorbaldako artroplastia egin dezakeen hirugarren paziente multzoa humeroaren buruaren nekrosia duten pazienteena da. «Hezurraren zati horretako odol fluxua eteten denean gertatzen da, eta, horregatik, endekatzen hasten da, batzuetan kolapsatu arte. Kausen artean, ohikoena haustura baten bigarren mailakoa izaten da, nahiz eta arrazoi medikoengatik edo sendagarriengatik ere kasuak gerta daitezkeen, eta portzentaje oso txikia izaten da jatorri espontaneo edo idiopatikoarengatik».

Sorbalda pseudoparalitikoak

I. Basque Shoulder Course-ko zuzendariek zerrendatutako laugarren paziente taldea «artrosi maila jakin bat duten baina mugikortasun aktibo oso gutxiko sorbaldak dituzten pazienteei dagokie, medikuntzaren arloan ‘sorbalda pseudoparalitiko’ izenez ezagutzen direnak: «artikulazioak sorbalda paralitiko baten moduan jokatzen du, baina arazoa ez da neurologikoa (paralisi arrunt batean bezala), gihar eta tendoi urritasunak eragindakoa baizik, mahukatxo birakariaren tendoien haustura masiboak eragindakoa».

Normalean, paziente horiek nekez jaso dezakete sorbalda gradu batzuetan, tendoi sistemak ez dielako funtzionatzen. Hala ere, «paziente horiek oso hautagai onak izan daitezke alderantzizko protesi gisa ezagutzen dugun konponbiderako, horrekin, deltoideari esker, izugarri hobetu ahal izango baitute aurreko goratze mugimendua, hau da, besoa gorantz jasotzea. Paziente horietan lortzen dira emaitzarik ikusgarrienak, mugikortasuna ‘suspertu’ egiten baitute. Zehazki esateko, pazientea pasa daiteke besoa soilik 60 edo 70 gradu jasotzetik 120 edo 130 gradu jasotzera. Horrek pazientearen bizi kalitatea aldatzen du. Protesi alderantzikatuek iraultza ekarri dute, diseinu hori sortu arte ezinezkoa zelako mugikortasun hori berreskuratzea kasu horietan».

I. Basque Shoulder Course honako konpainien laguntza eta babesarekin egiten da: Smith & Nephew, Exactech, Medcomtech, Biotechnology Institute (BTI), Stryker, Sumisan, Fidia eta Medacta.

Los doctores Sergio González e Iban Aransaez, codirectores del curso.

Bilbok sorbaldaren osasunaren arloko urteko hitzordu garrantzitsuenetako bat hartuko martxoaren 7an

/by

Datorren martxoaren 7an, sorbaldako protesien kirurgiari eta giltzadura horretako tendoien transferentziari dagokienez urteko hitzordu garrantzitsuenetako bat izango da Bilbon. Izan ere, Santurtziko (Bizkaia) San Joan Jainkoarena Ospitaleko Kirurgia Ortopedikoaren eta Traumatologiaren Zerbitzuak eta Gasteizko Kirurgia Artroskopikoaren Unitateak (UCA) I Basque Shoulder Course jardunaldia antolatu dute, zeina Deustuko Unibertsitatean egingo den. Ekimen honek Sociedad Española de Cirugía Ortopédica y Traumatología eta Sociedad Española de Cirugía de Hombro y Codo erakundeen abal zientifikoa du.

Iban Aransaez doktorea eta Sergio González doktorea dira I Basque Shoulder Course jardunaldiaren zuzendari zientifikoak; hots, Santurtziko San Joan Jainkoarena Ospitaleko traumatologoa eta Kirurgia Artroskopikoaren Unitateko traumatologoa, hurrenez hurren. Haiekin batera, Espainiako eta nazioarteko hainbat aditu elkartuko dira Bizkaiko hiriburuan, hala nola Jean-David Werthel, Ambroise-Paré ospitalekoa (Paris); Pierre Abadie, Bordeleko Kirol Klinikakoa; Raúl Barco, Madrilgo La Paz Ospitalekoa, eta Mikel Sánchez, UCAren sortzaile eta zuzendari mediko eta zientifikoa.

Iban Aransaez doktoreak azaldu duenez, kongresuaren programaren gai aipagarrienen artean honako hauek izango dira: «Artrosia paziente gaztearengan lantzea, prozesu kirurgikoaren optimizazioa, ebakuntza aurreko plangintza, sorbaldako kirurgia nabigatzailearekin, hezur-galera duten kasu bereziak, konplikazio posibleen kudeaketa eta prebentzioa, sorbaldako artroplastien berrikuspen-kirurgia eta tendoien transferentzia gorputzeko beste atal batzuetatik».

Ikastaroan landuko diren beste alderdi batzuen artean, aipagarriak dira, halaber, «adimen artifizialaren erabilera sorbaldako ebakuntzetan, sorbaldako giltzaduraren funtzionaltasunaren hobekuntza pazienteengan eta giltzadura horren kirurgia protesikoaren etorkizuneko ildoak».

Bestalde, Sergio González doktoreak nabarmendu duenez, «arlo horretako kirurgialari ospetsuak izango ditugunez gure artean, eta materialetan eta baliabideetan izandako azken aurrerapenak ezagutuko ditugunez, sorbaldako kirurgiaren abangoardiari heltzen dion programa bat taxutu dugu».

Gehiago ere erantsi du espezialistak: «Ikuspegi praktikoa ere eman nahi diogu ikastaroari; horregatik, harremanetan jarriko ditugu entzute handiko kirurgialariak eta sorbaldako artroplastian beren bidea egiten hasi berriak kirurgialariak. Gai ugari bildu ditugu eta maila goreneko hizlariak izango dira gurekin; beraz, ikuspegi praktikoaren aldeko apustua egin dugu, han-hemengo eskola eta inguruneetako ezagutzari eta esperientziari ahalik eta etekin handiena ateratzeko».

Bi adituek ohartarazi dute beharrezkoa dela sorbaldako kirurgiari buruzko dibulgazio-ahalegina egiten jarraitzea. «Azken urteotan berrikuntza ugari agertu dira teknika kirurgikoetan, materialetan, ikerketetan, garapen biologikoetan eta gailu kirurgikoetan, eta, horri guztiari esker, sorbaldako artroplastiari dagokionez benetako iraultza batean murgilduta gaudela esan dezakegu. Gauzak horrela, sorbaldako giltzaduraren arazo askorentzako konponbideak eskain ditzakegu, patologia arruntak edo ez hain arruntak dituzten pazienteei nahiz kasu konplikatuak dituztenei osasuna eta bizi-kalitatea emanez».

Irakasleen zerrenda osoan, aipatutako ikastaroko zuzendariez gain (Iban Aransaez eta Sergio González doktoreak), honako hauek ditugu: Ambroise-Paré Ospitaleko (Paris) Jean-David Werthel eta Bordeleko Kirol Klinikako Pierre Abadie frantsesak; Gasteizko Kirurgia Artroskopikoaren Unitateko Mikel Sánchez eta Jaime Oraa; Santurtziko San Joan Jainkoarena Ospitaleko Alberto Sánchez; Madrilgo Jiménez Díaz Unibertsitate Ospitaleko Raúl Barco eta Samuel Antuña; Madrilgo Jiménez Díaz Unibertsitate Ospitaleko Emilio Calvo; Madrilgo San Carlos Ospitale Klinikoko Carlos García eta Fernando Marco; Valentziako La Fe Unibertsitate Ospitale Politeknikoko Joan Ferràs; Nafarroako Unibertsitate Ospitaleko Francisco Javier González Arteaga, Gasteizko Txagorritxu Unibertsitate Ospitaleko Pedro Ruiz Moneo; Galdakao-Usansolo Unibertsitate Ospitaleko (Bizkaia) Idoia Gutiérrez, Carlos Ramírez eta Isidoro Calvo; Osatek-eko (Bizkaia) Óscar Casado; Bilboko Basurtuko Unibertsitate Ospitaleko Iñigo Cearra; Barakaldoko (Bizkaia) Gurutzetako Unibertsitate Ospitaleko Xabier Azores; Bartzelonako Hospital del Mar-eko Carlos Torrens eta Fernando Santana; eta Bartzelonako Instituto de la Mano-ko Sergi Barrera.

Programa osatzen duten mahai-inguruak eta hitzaldiak egin ondoren, mediku ondokoek eta egoiliarrek egindako kasu klinikoen hautaketa bat azalduko da.

I Basque Shoulder Course jardunaldiak Smith & Nephew, Exactech, Medcomtech, Biotechnology Institute (BTI), Stryker, Sumisan, Fidia eta Medacta erakundeak izango ditu laguntzaile eta babesle.

Izena emateko inprimaki.

 

Talka-uhinen bidezko terapia, lesio muskulueskeletikoak tratatzeko

/by

Lesio muskulueskeletikoak tatatzeko talka-uhinen bidezko terapia tratamendu ez-inbaditzailea da, eta maiztasun handiko uhin akustikoak erabiltzen ditu ehunen birsorkuntza sustatzeko eta lokomozio-aparatuko hainbat patologiatan mina arintzeko. Ikuspegi terapeutiko hori prozedura kirurgikoen alternatiba eraginkor gisa finkatu da tendinopatia kronikoen, planta-faszitisen eta tendoi-kaltzifikazioen kasuetan.

Talka-uhinen ekintza-mekanismoa odol-zirkulazioaren estimulazioan eta kaltetutako eremuan kolagenoa sortzean oinarritzen da, eta horrek kaltetutako ehunak konpontzea errazten du. Gainera, uhin horiek tendoietan kaltzio metaketak zatika ditzakete, eta, horrela, horiek deuseztatzen dira eta tratatutako eremuaren funtzionaltasuna hobetzen da.

Terapia horren indikazio nagusien artean, tendinopatia kronikoak daude, hala nola alboko epikondilitisa (tenista-ukondoa), sorbaldako tendinopatia kaltzifikatzailea eta oinetako faszitisa, ezproi kalkaneoarekin edo gabe. Pseudoartrosia, giharretako lesioak eta kontrakturak tratatzeko ere erabiltzen da.

Lesio muskulueskeletikoak tatatzeko talka-uhinen bidezko terapia tratatu beharreko eremuan uhin akustikoak igortzen dituen gailu baten bidez aplikatzen da, gel eroale bat aplikatu ondoren.

Ander Álava doktoreak, errehabilitazioko mediku eta Santurtziko San Juan de Dios ospitaleko zerbitzu horren koordinatzaile teknikoak, tratamendu horri buruz hitz egin digu bideo honetan.

 

 

Martxa nordikoa: adin eta baldintza fisiko guztietarako ariketa integrala

/by

Eskandinaviako martxa ariketa fisiko osoa egiteko aukera bat da, eta edozein pertsona motarentzat eskuragarri dago, adina edo egoera fisikoa edozein dela ere.

Ibilaldiak eta makilen erabilera konbinatzen dituen ariketa mota honek jarrera eta koordinazioa hobetzen laguntzen du, eta, aldi berean, muskulu-talde gehiago inplikatzen ditu. Izan ere, aitzinamendua bultzatzeko bastoiak erabiltzean, gorputzaren goiko aldea eta behekoa lantzen dira, hezur, gihar eta kardiobaskularren osasuna erraztuz. Gainera, inpaktu txikikoa denez, artikulazioak babesten ditu eta egokia da mugikortasun-arazoak dituztenentzat edo kirurgien ondoren errekuperatzen ari direnentzat, hala nola mastektomiak edo aldaka- edo belaun-protesiak. Linfedemaren tratamenduan eta martxa berriz hezteko ere gomendatu da.

Martxa nordikoa jarduera sozialki integratzailea da, taldean egin baitaiteke, eta horrek harreman pertsonalak eta ongizate psikologikoa sustatzen ditu. Azken batean, ariketa honek modu erraza, moldakorra eta onuragarria eskaintzen du sasoian mantentzeko eta osasun integrala hobetzeko.

Iñaki Galache, Santurtziko San Joan Jainkoarena Ospitaleko errehabilitazio arloko koordinatzaileak kirol honi buruz hitz egin digu.

Giharretako lesioak tratatzeko terapia biologikoak

/by

Lesio muskularrak ohikoak dira kirol-eremuan, batez ere atleta profesionalen eta erdi-profesionalen artean. Esfortzu biziak muskuluaren karga-ahalmena gainditzen duenean gertatzen dira lesio horiek, eta muskulu-zuntzak haustea eragiten dute. Kalte akutu horrek ukitutako ehuna eraginkortasunez birsortzea eskatzen du.

Errekuperazioa errazteko, lesioaren kokalekuan zuzenean jarduten duten terapia biologikoak erabiltzen ari dira. Terapia hauek muskuluen birsorkuntzaz arduratzen diren zelula sateliteak estimulatzea bilatzen dute, muskulu-zuntz berrien eraketa sustatuz.

Duela gutxi egindako ikerketek adierazten dutenez, terapia horiek errekuperazio-denborak murriztu ditzakete, eta gaixoberritzeen intzidentzia murriztu. Horri esker, kirolariak azkarrago itzul daitezke beren jarduerara, eta lesio berriak izateko arrisku txikiagoa dute.

Javier González Iglesias doktoreak, Santurtziko San Joan Jainkoarena Ospitaleko terapia biologikoetan adituak, gai hori sakontzen du bideo honetan.

Nazioarteko adituak Bilbon eztabaidatzen ari dira belauneko eta aldaketako protesietarako teknologia eta material onenen inguruan

/by

Gaur hasi da Guggenheim Museoan Bilbao Hip & Knee Meeting 2024, goi mailako kongresu zientifikoa. Bertan, nazioko eta nazioarteko espezialistek aldakaren eta belaunaren kirurgia berreraikitzailearen azken berrikuntzak eta aurrerapen teknologikoak aztertuko dituzte. Ekimena Santurtziko San Joan Jainkoarena Ospitaleak antolatu du, hasiera-hasieratik Kirurgia Ortopedikoari eta Traumatologiari arreta berezia eskaini diena, eta aurten bere mendeurrena betetzen duena.

Kongresuaren hasieran, eta Rafael Nadal tenislariaren erretiroaren berri izan ondoren, Francesco Benazzo doktoreak, Paviako Goi Ikasketen Unibertsitate Institutukoa, Los Angelesko 1984ko Olinpiar Jokoetako aholkulari espezialista izana eta, ondoren, nazioarteko kirol ekitaldi ugaritan ere bai (Europako eta munduko txapelketak), eta Italiako Atletismo Federazioko eta Italiako futbol ligako hainbat taldetako mediku ere izandakoa, iragarpena baloratu du. Adierazi duenaren arabera, «hemen, futbol jokalariekin gertatzen den bezala, (nire ibilbide profesionalean esperientzia handia pilatu dut futbol jokalariekin) eliteko kirolari horiek belaunekin, aldakekin edo orkatilekin ere joka dezakete, nahiz eta egoera ezin hobean ez egon, baina soilik euren entrenamendua eta partidetan parte hartzea etengabe mantentzen badute. Entrenatzen eta jokatzen jarraitzen badute, askotan maila onean manten daitezke. Baina entrenamenduaren kantitatea eta intentsitatea murriztu bezain laster, mina nagusitu egiten da».

Rafael Nadali dagokionez, honako hau adierazi du: «arrazoi horiengatik, uler dezaket maila goreneko kirolari profesional batek, Rafael Nadalek hain zuzen, hainbat urtez, egunero horrenbeste entrenatu duena, ospe handiko nazioarteko mota guztietako lehiaketetan jokatuz, ahalegin handia eskatu izana bere artikulazioei oro har eta kartilagoei bereziki. Horrez gain, urteak bete ahala, muskulu potentzia txikitzen doa, pixkanaka baina gero eta gehiago, bai eta artikulazioak errendimendu handienean kontrolatzeko gaitasuna ere. Beraz, askotan, oreka horrek huts egiten duen puntu batera iristen da, eta artikulazioetako lesioek eragindako minak maila gorenean haiek kontrolatzen jarraitzeko gaitasuna gainditzen du. Beraz, prozesu natural bat bezala ikusten da. Urteak betetzea ez da arazoa, beti ere pertsona aktibo mantentzen bada. Baina, zenbait unetan, gehiegizko jarduera bat kaltegarria izan daiteke, eta lesioak eragin ditzake».

Zeramikazko estaldura duten protesien belaunaldi berria

Justin Cobb irakasleak, Londresko Imperial College-ko (Imperial College of Science, Technology and Medicine) Ortopedia Saileko presidenteak, kongresuan parte hartuko du zeramika-zeramika erako azalerako protesiei buruzko hitzaldi batekin. Material belaunaldi berri bat da, lehendik dauden material metalikoei gehitzen zaiena.

Nabarmendu duenez, «saiakuntza klinikoen zazpi urteko prozesu baten ondoren, hura osatzen duten bi piezetan zeramikazko estaldura duten aldakako protesiak oso aukera itxaropentsua dira, bai gizonezkoentzat, bai emakumezkoentzat, edozein dela ere haien forma eta pisua. Lehen, azken hamarkadan, soilik gizonezko handiek jaso zezaketen resurfacing prozesu bat (estaldurarako protesi bat jartzea, protesi oso bat jarri beharrean) aldakako artikulazioan. Orain, zeramikazko gailu horrekin, gizon nahiz emakumeek estaldurarako protesi bat jaso dezakete, eta berriro egin dezakete korrika eta, are gehiago, salto ere».

Cobb irakasleak adierazi duenez, zeramika-zeramika erako azalerako protesi horiek «duela bi aste soilik lortu zuten CE marka, zazpi urteko esperientzia klinikoaren ondoren; beraz, aurrerapen berri hori datorren urtearen hasieran egongo da eskuragarri Europan, baita Espainian ere, herrialde oso indartsua izan dena beti aldakako artroplastiei eta estaldura protesiak jartzeari dagokienez. Hori dela eta, aurrerapen berri hau sartuko den lehen herrialdeetako bat izango da».

Espainian eskaria etengabe hazten ari da

Belauneko eta aldakako kirurgia berreraikitzailea Osasun Sistema Nazionalean gehien eskatzen den prozeduretako bat da. Horrela, Jesus Moreta doktoreak, Jose Luis Martinez de los Mozos eta Manuel Martin Montes doktoreekin batera -hirurak Santurtziko San Joan Jainkoarena Ospitaleko Kirurgia Ortopediko eta Traumatologiako zerbitzukoak- kongresuaren zuzendarikide denak, gogorarazi duen bezala, «2023ko abenduaren 31n 49.841 pertsona zeuden Osasun Sistema Nazionaleko ospitaleetako itxarote zerrendetan, belauneko (33.956) edo aldakako (15.885) protesi kirurgia egiteko zain. Elkarrekin bi prozedurek asistentzia eskaera handiena pilatzen dute itxarote zerrendetan, katarata ebakuntzen atzetik soilik, eta horrek erakusten du kirurgia ortopedikoaren eta traumatologiaren eremu horrek zenbaterainoko garrantzia duen osasun eta ekonomia terminoetan».

Santurtziko San Joan Jainkoarena Ospitaleko Kirurgia Ortopediko eta Traumatologia arloko koordinatzaileak azaldu duenez, asistentzia eskaeraren igoera hori bi alderditan gertatzen da. «Alde batetik, zahartzen urteak daramatzan gizarte batean aurkitzen gara, adineko pertsona multzo gero eta handiagoarekin, aldi berean bizi itxaropen handiagoari etekina ateratzen diona. Horrek azaltzen du aldakako eta belauneko protesien ebakuntzen beharra gorantz joan izana, eta fenomeno horrek gora egingo du, baby boomaren belaunaldiak urteak bete ahala».

Artikulazio protesien eskaeraren igoera horren beste alderdia «adin ertaineko pertsonetatik dator, baita gazteetatik ere, haien osasunean edo bizi kalitatean eragin handia duten giltzadura arazoak baitituzte. Kasu batzuetan osasun arrazoiengatik izaten dira, baina beste batzuetan, bizi ohitura txarrak (gehiegizko pisua edo obesitatea), ariketa fisiko desegokia edo intentsitate handiko kirol jarduera egon daitezke kirurgia protesikoa eragin dezaketen zenbait artikulazio arazoren atzean».

Gizakiaren eta makinaren arteko elkarlana

Belauneko eta aldakako kirurgia berreraikitzaileari aplikatutako kirurgia robotikoari dagokionez, Jan Victor irakasleak, Ganteko Unibertsitateko (Belgika) Ortopediako katedraduna eta Ganteko Unibertsitate Ospitaleko Ortopedia eta Traumatologia Saileko buruak, adierazi du “ospe handia hartu duela profesionalen eta pazienteen artean, eta ikusmin handia sortu duela sistema robotikoek duten benetako gaitasunari dagokionez, ebakuntzan zehaztasun handiagoa eta jarduera kontrolatuagoa emateko duten gaitasuna dela eta. Hala ere, gaur egun, oraindik ez gara gai izan pazienteengan emaitza maila altuagoa zientifikoki frogatzeko, gogobetetasunari eta eguneroko jarduerak betetzeko gaitasunari dagokienez. Seguruenik, denborak aurrera egin ahala, emaitza hobeak iritsiko dira, kirurgia robotikoarekin egindako lana oso azkar garatzen ari den prozesu bat baita. Horregatik guztiagatik, kontuan izan behar da kirurgialariaren zeregina funtsezkoa dela oraindik ere; makinek lagundu dezakete, baina oraindik denbora igaro behar da sistema horiek ebakuntzen protagonistak izan arte».

Era berean mintzatu zen Fiedrich Boettner irakaslea, New Yorkeko (AEB) Hospital for Special Surgery-ko traumatologo alemaniarra: «Gaur egun, batzuetan, badirudi robot batek zirujau aditu batek baino lan hobea egin dezakeela. Hala ere, espezializazio handiko zirujau baten figura funtsezkoa da oraindik. Zirujauak egiteko eskatzen diona baino ez du egiten robotak. Nire ustez, eskarmentu handiko espezialista batek pazienteari kirurgia protesiko hobea eskaintzen jarraituko du, gaur egun robot batek bere kabuz eskain dezakeena baino. Makina batek, oso ona izan arren, ezin du emaitza ona eman ebakuntzan, profesional aditu batek maneiatzen ez badu».

Paziente kopuru handiago bati mesede egiten dieten tekniketan eta teknologian egindako aurrerapenak

Bere aldetik, Rafael J. Sierra doktoreak, Mayo Klinikako (AEB) Aldaka eta Belauneko Kirurgia Dibisioko aditua, artikulazioetako arazoak dituzten pertsonak animatu ditu «artritis degeneratibo aurreratuaren ondorioz artikulazioen ordezkatze bat egitea pentsatu badute noizbait, ez dezatela zalantzarik izan. Gaur egun gure teknikekin hobetu egin dugu, robotikaren erabilerak eta nabigazioak ere kirurgiaren zehaztasuna handitu dute eta, gainera, anestesiako eta perioperatorioko teknikek izugarri hobetu dute pazienteen ebakuntza osteko prozesua, mina gutxituz eta aurreko urteetan baino askoz bizkorrago errekuperatuz eguneroko bizitza».

Sierra doktoreak, American Academy of Orthopaedic Surgeons-en (AAOS) 2024 Programa Zentraleko Batzordeko presidenteak, azpimarratu duenez «aldakako eta belauneko kirurgia protesikoaren aurrerapenekin, batez ere inplante berrien erabilerarekin, baina baita robotikarekin eta kirurgiarekin, lortu da gaur egun mota horretako kirurgiak paziente ugarirentzat eskuragarri izatea, iraganeko protesiekin eta teknikekin baino askoz emaitza funtzional hobeekin».

Belauneko lesioak kirolarien artean: lotailu eta meniskoengatiko kontsultak ugaritu egin dira

/by

Kirol-jarduera areagotzeak belauneko lesioak areagotzea ekarri du kirolariengan, eta gero eta kontsulta ohikoagoa bihurtu da. Belauneko lesiorik ohikoenek lotailu eta meniskoei eragiten diete batez ere, aurreko lotailu gurutzatua (LCA) baita zaurgarrienetako bat.

Hasierako diagnostikoan, erradiografiak eta erresonantzia magnetikoak bezalako irudi-azterketak sartzen dira, lesio mota identifikatzeko. Belauneko lesioak tratatzeko lehen urratsa kontserbatzailea izaten da kirolariengan, eta infiltrazioen edo errehabilitazioen bidez mina kontrolatzera bideratzen da. Hala ere, metodo horiek eraginkorrak ez badira, belauneko artroskopia erabiltzen da, ebakidura txikien bidez sartutako kamera batekin lesioa esploratzeko eta tratatzeko aukera ematen duen gutxieneko kirurgia inbaditzailea.

LCAren lesioak bereziki ohikoak dira tenisean, padelean, eskian, saskibaloian eta futbolean, non bat-bateko mugimenduak eta bat-bateko birak, kontaktu zuzenik gabekoak, baitira erantzule nagusiak. Prestakuntza fisiko eta tekniko ona edukitzeak lesio horien arriskua murrizten lagun dezake.

Jon Elorriaga medikuak, Santurtziko San Juan de Dios Ospitaleko traumatologoak, gehiago azaltzen du horrelako istripuei buruz. Elorriaga doktoreak ere parte hartuko du egun batzuk barru, Bilbao Hip & Knee Meeting 2024an. Goi mailako zientzia-ekitaldi horretan, nazioko eta nazioarteko espezialistek aldakako eta belauneko kirurgia berreraikitzailearen azken berrikuntzak eta aurrerapen teknologikoak aztertuko dituzte. Biltzar mediko hau Santurtziko San Juan de Dios Ospitaleak antolatu du. Ospitaleak, hasiera-hasieratik, arreta berezia eskaini dio Kirurgia Ortopedikoari eta Traumatologiari, eta aurten mendeurrena beteko du.

 

Aldaka eta belaun protesien kirurgiari buruzko Espainiako urteko hitzordu garrantzitsuenetako bat izango da Bilbon urrian

/by

Guggenheim Museoak Bilbao Hip & Knee Meeting 2024 hartuko du urriaren 10ean eta 11n. Goi mailako zientzia-ekitaldi horretan, nazioko eta nazioarteko adituek aldakako eta belauneko kirurgia berreraikitzailearen azken berrikuntzak eta aurrerapen teknologikoak aztertuko dituzte. Biltzar mediko hau Santurtziko San Joan Jainkoarena Ospitaleak antolatu du, hasiera-hasieratik Kirurgia Ortopedikoari eta Traumatologiari arreta berezia eskaini diena, eta aurten bere mendeurrena betetzen duena.

Ekitaldi zientifiko honetan izena emateko epea zabalik dago. Interesa duten profesionalek modu telematikoan egin ditzakete, kongresuaren web-atarian bertan: https://www.bhkm2024.com. Erregistratzeko epea 2024ko urriaren 2an amaituko da.

Jesús Moreta doktoreak, kongresuaren zuzendarikideak, José Luis Martínez de los Mozos eta Manuel Martín Montes doktoreekin batera, Santurtziko San Joan Jainkoarena Ospitaleko Kirurgia Ortopediko eta Traumatologiako Zerbitzuko kide guztiek adierazi duten bezala, «lanean zenbait hilabete eman ondoren, lehen mailako hezkuntza-foro bat eratu dugu, aldakako eta belauneko kirurgia protesikoaren arloko lider eta aditu nabarmenenak bilduko dituena. Bi egun horietan, parte-hartzaileek aukera paregabea izango dute hitzaldi magistralak, saio interaktiboak eta eztabaida sakonak egiteko aldakaren eta belaunaren kirurgia berreraikitzailearen azken berrikuntzei eta aurrerapen teknologikoei buruz. Gainera, ideien trukea eta lankideen arteko lankidetza sustatuko dira, eta, horren ondorioz, elkar aberastuko da eta bikaintasunarekin eta etengabeko hobekuntzarekin konprometitutako profesionalen sarea indartuko da».

Artikulazio-protesien gero eta garrantzi handiagoa

Argi dago oso garrantzitsua dela artikulazio-protesien kirurgia mota hori. Adibidez, Espainian, aldakaren ordezkapen-eragiketen kopurua etengabe hazi da: 2004an 35.888 ziren, eta 2018an, berriz, 57.000 inguru. Bestalde, 2021ean, belauneko protesien operazioak, 100.000 biztanleko, 120,9ra iritsi ziren Espainian, Erresuma Batuan (108,4), Suedian (99,7) eta Portugalen (75,4) baino kopuru altuagoa, baina Alemanian (201,2), Finlandian (260,3) eta Suitzan (273,3) erregistratutakoa baino askoz txikiagoa.

Hizlariak

Txostengileei dagokienez, egiaztatuta dago Kirurgia Ortopedikoko eta Traumatologiako espezialista-talde batek parte hartu duela, nazionalak zein nazioartekoak. Hala, atzerritarren artean honako hauek aipa daitezke: Joe Baines, Erresuma Batuko Golden Jubilee Ospitale Nazionalekoa; Francesco Benazzo, Italiako Paviako Goi Mailako Ikasketen Unibertsitate Institutukoa; Friedrich Boettner, New Yorkeko Hospital for Special Surgerykoa; Michel Bonnin frantziarra, Belauneko Europar Elkarteko presidentea; Justin P Cobb, Londresko Imperial Collegeko Ortopedia Ataleko presidentea; Rafael J. Sierra, Mayo Klinika estatubatuarrekoa; eta Luigi Zagra, Milango Galeazzi Institutu Ortopedikokoa. Belgikako Ganteko Unibertsitate Ospitaleko Jan Victor eta Alemaniako Paderborneko Saint Vincenz Ospitaleko Marco Ezechieli ere bertan izan dira.

Txostengile nazionalei dagokienez, Bilbao Hip & Knee Meeting 2024-n parte hartuko dute Ana Cruz Pardosek, Madrilgo La Paz Ospitalekoak; Jenaro A. Fernández-Valencia Labordek, Juan Carlos Martínez Pastorrek eta Dragos Popeskuk, Bartzelonako Clinic Ospitalekoak; Jorge Guadilla Arsuagak, Vithas Vitoria Ospitalean dagoen Kirurgia Artroskopikoko Unitatekoak; Joan Leal-Blanquetek, Manresako Unibertsitateko Laguntza Sarekoak; Vicente J. Leonón-Muñozek, Murtziako Reina Sofía Unibertsitate Ospitale Orokorrekoak; Oliver Marín-Peñak, Madrilgo Infanta Leonor Unibertsitate Ospitalekoak; Suárez-Suárez, Cabueñes-Gijóngo Unibertsitate Ospitalekoa. Jesús Moreta Suárez jauna, Santurtziko San Joan Jainkoarena Ospitaleko Kirurgia Ortopediko eta Traumatologiako Zerbitzuko koordinatzailea, ere hizlari izango da.

Programa

Bestalde, programak aldakako eta belauneko protesien azken berrikuntzak aztertuko ditu urriaren 10ean, gai hauen errepasoa eginez: belauneko protesi konpartimentubakarrak; belauneko protesi osoko lerrokatze-sistemak; kirurgia robotikoa (hainbat sistema) eta belauneko protesi osoetan pertsonalizatua; eta belauneko protesi primarioetako eztabaidak (finkatzea, lerrokatzea, diseinuak, kongruentzia-mailak, kirurgia robotikoaren erabilera, analgesia-protokoloak, etab.).

Belauneko azterketarako kirurgiarako denbora ere egongo da, eta kasu zailak, belauneko protesi totaleko berrikuspen-adierazleak eta belauneko protesi totalen berrikuspen-prozesuetako finkapen-printzipioak errepasatuko dira.

Kongresuaren bigarren egunean gai interesgarriak eztabaidatuko dira, hala nola aldaka eta belauneko protesi osoetan bizkortasunez berreskuratzeko protokoloak, aldakako protesietan kotiloa jartzeari buruzko alderdi teknikoak, protesien kimuak aukeratzeari buruzkoak eta hainbat espezialistaren lan-protokoloak bateratzeari buruzkoak.

Aldaka-protesia berrikusteko kirurgia hilaren 11ko arratsaldean egingo da, eta, aldakako protesi osoa berrikusten denean, denbora izango da berreraikuntza femorala eta berreraikitze azetabularra tratatzeko. Saioei amaiera emateko, arazo azetabular handiak dituzten kasuetako esku-hartzeei eta arrisku handiko pazienteen zenbait alderdi teknikoren maneiuari buruzko eztabaida egingo da.

 

Ospitaleak babestuko du Getxoko Nazioarteko XXXII. Tenis Txapelketa – Open San Joan Jainkoarena

/by

Uztailaren 1etik 7ra, urtero bezala, Jolaseta Erregea Klubak Getxoko Nazioarteko Tenis Txapelketa hartuko du. Oraingo honetan, nazioarteko tenis-proba honen babesle nagusia Santurtziko San Joan Jainkoarena Ospitalea da, bi erakundeek maiatzean sinatu zuten lankidetza-hitzarmenari esker.

Parte hartzea baieztatzeke dagoen arren, nahiz eta aurretik izena eman, ia 150 partida jokatuko dira “Open Hospital San Joan Jainkoarena” Getxoko XXXII. Nazioarteko Tenis Txapelketan. Bost kontinenteetatik etorritako ehun tenislari baino gehiago lehiatuko dira uztailaren 7an jokatuko diren bi final handietara iristeko. Txapeldunek, ATP/WTA puntu ugari eskuratzeaz gain, ohiko garaikurra ere jasoko dute, Aixerrotako errotaren erreplika.

Jolasetakoa nazioarteko txapelketa bakanetakoa da, eta erronka zail bati egin beharko dio aurre: sei pistetan, emakumezkoen eta gizonezkoen txapelketak, hiru estali gabeak eta beste hiru erdi itxiak, guztiak lur harrotukoak.

Azken urteotan tenislari askok eman dute nazioarteko rankingeko ‘Top 100’ erako jauzia, Klubeko pistetan ikusgai egon ondoren. Azken hamarkada honetako kasurik adierazgarrienak, besteak beste, Roberto Bautista, Alejandro Davidovich, Joao Sousa, Fernando Verdasco edo Bernabé Zapatarenak dira.

Gauza bera gertatzen da emakumezkoen kategorian, munduko topetan izan berri diren Garbiñe Muguruza eta Paula Badosa edo Mihaela Buzarnescu errumaniarrarekin. Dagoeneko erretiratuta dauden tenislariak ahaztu gabe, hala nola Carla Suárez, Vivi Ruano, Gala León edo Anabel Medina.

 

Ezagutu errehabilitazio-kontsultetako gaitz nagusiak

/by

Santurtziko San Joan Jainkoarena Ospitaleko Errehabilitazioko eta Medikuntza Fisikoko kontsultetan maiz tratatzen dira gaixotasun zerbikalak, lunbalgiak eta hainbat tendinitis, hala nola trokanteritisa, epikondilitisa eta sorbaldetako tendinitisa. Gainera, traumatismoen eta kirurgien ondorioak ohikoak dira.

Pazienteen ohiko profila 40 eta 70 urte bitartekoa da, eta batez ere gaixotasun zerbikalengatik, lunbalgiagatik eta tendinitisagatik joaten dira, bai eta kirurgien eta hausturen ondorioengatik ere.

Ander Álava doktorearekin hitz egin dugu, Santurtziko San Joan Jainkoarena Ospitaleko errehabilitazioko mediku eta espezialitate horretako koordinatzaile teknikoarekin, maizago artatzen dituen patologietan sakontzeko.