Tag Archive for: CuidarNos

Santurtziko San Joan Jainkoarena Ospitalea bere langileen ongizatea bultzatzen ari da, CuidarNos ekimeneko pilates-programa batekin

/by

Santurtziko San Joan Jainkoarena Ospitaleak pilateseko eta gorputz-osasuneko programa berri bat jarri du martxan bere langileentzat. Programa hori CuidarNos ekimenaren esparruan kokatzen da, zeina bertako profesionalen ongizate fisiko eta emozionala sustatzera bideratuta dagoen.

Jarduera hori Fika Gunearekin lankidetzan eskaintzen dugu. Martxoaren 17an (asteartea) eman diogu hasiera, eta astero izango da, astearte guztietan, bi ordu-tartetan: 12:00etatik 13:00etara eta 15:15etik 16:15era. Antolamendu horrek erraztasunak ematen ditu langileek parte hartzeko, txanda finkoetara nahiz errotazioetara egokitzen baita.

Langileen txandetara egokituta

Programak langileen lan-ordutegiaren arabera antolatzen ditu saioak. Txanda finkoak dituzten langileek jada esleituta daukate beren ordutegia. CuidarNos barne-aplikazioaren bidez kontsultatu dezakete. Errotazio-txandak dauzkatenek, berriz, WEAPPFIT aplikaziorako sarbide gehigarria daukate, eta bertatik kudea dezakete plaza-erreserba.

Parte-hartzaileentzako gomendioak

Saioak behar bezala gauzatzeko, hauek eramatea gomendatzen da: estera txiki bat –ahal izanez gero, pilatesekoa–, kirol-arropa erosoa, eta, jarduera oinutsik egin nahi ez dutenen kasuan, galtzerdi irristagaitzak.

Era berean, parte-hartzea formalizatzeko, harremanetarako datuak Fika Guneari lagatzeko baimena eman behar da, horrek aukera emango baitu programaren aplikaziora eta komunikazio-kanal espezifikoetara sartzeko.

Jarduera behar bezala gauzatzeko arauak

Saioak txukun gauzatzeko eta parte-hartzaileek ahalik eta aprobetxamendurik handiena izango dutela bermatzeko, oinarrizko bizikidetza-arau batzuk ezarri dira: puntualtasuna (eskola hasi baino gutxienez bost minutu lehenago bertaratu behar da), errespetua (hala espazioari nola gainerako parte-hartzaileei) eta bertaratzeko ezintasuna gutxienez 48 ordu lehenago abisatzeko betebeharra.

Profesionalak erabat zaintzeko ekimena

Horrelako ekintzen bidez, Santurtziko San Joan Jainkoarena Ospitaleak indartu egiten du antolakundea osatzen duten gizon-emakumeak erabat zaintzeko duen konpromisoa, lan-ingurunean ohitura osasungarriak eta ongizate-espazioak sustatuz.

 

2026an CuidarNos-en urteko ekitaldia Santurtziko II. Bizikleta ibilaldia izango da boluntario bila gabiltza!

/by

Ilusio handia egiten digu zuekin guztiokin berri on bat partekatzeak: aurten gure urteroko CuidarNos Topaketa Santurtziko II. Bizikleta Ibilaldia izango da, eta 2026ko ekainaren 14an egingo da.

Gainera, ez da edonolako Bizikleta Ibilaldia izango. Udalak erakunde onuradun gisa aukeratu gaitu eta ekitaldian bildutako diru guztia Ospitaleari emango zaio. Gure lanaren aitorpen ederra da, eta Ospitalean egiten den lanari ikusgarritasuna emateko aukera paregabea.

Bizikleta Ibilaldia ekitaldi handia da dagoeneko herrian: iaz 800 pertsona inguru bildu zituen, familiak, haurrak, gazteak eta adinekoak, ohitura osasungarriak, mugikortasun jasangarria, talde lana eta komunitatearekiko konpromisoa sustatzen dituen jai egun batean. Balio horiek bete-betean egiten dute bat CuidarNos gure proiektuaren funtsarekin. Esteka honen bidez ekitaldiaren webgune ofizialera sar zaitezkete: https://bicicletada.eu/santurtzi/.

Boluntariotza Santurtziko II. Bizikleta Ibilaldirako

Eta bada zerbait garrantzitsua: Udalak eskatzen digun gauza bakarra da boluntarioak lortzea egun horretan antolaketa, kontrol eta laguntza logistikoko lanetan laguntzeko. Hau da, gure ekarpena da ekitaldian laguntzea.

Datozen hiru urteetan Bizikleta Ibilaldia izango da gure urteroko ekitaldia CuidarNos-en baitan; beraz, elkarrekin egin nahi dugun bidearen hasiera da hau. Horregatik, gaur pauso bat aurrera ematera animatzen zaituztegu, boluntario bezala bat egitera.

Jardunaldi berezia izango da, herriarekin dugun lotura sendotzeko, auzokideekin espazioa partekatzeko eta elkartzen gaituzten balioetatik abiatuta komunitatea eraikitzen jarraitzeko: zaintza, elkartasuna eta bizi ohitura osasungarriak. Aukera ezin hobea da Ospitalea Santurtziko kaleetan egon dadin, erakunde gisa ez ezik, bere komunitatearen parte aktibo eta hurbileko gisa ere bai.

Parte hartu nahi baduzu, martxoaren 31 baino lehen eman behar duzu izena:

  • Hona idatziz: ospitaleasanturtzi.cuidarnos@sjd.es.
  • Santurtziko San Joan Jainkoarena Ospitaleko Gizarte Lana, AEEZ edo Pertsonak eta Balioak sailetan izena emanez.
  • Ospitaleko Ongizate Batzordeko edozein kideri jakinaraziz.

Santurtziko San Joan Jainkoarena ospitaleak 4.000 euro eman dizkio APDISAri

/by

Santurtziko San Joan Jainkoarena ospitaleak 4.000 euroko txekea eman dio gaur Santurtziko Desgaitasuna duten Pertsonen Elkarteari (APDISA). Zenbateko hori urriaren 4an Santurtziko San Joan Jainkoarena Ospitaleko I. Martxa Solidarioan bildutako zenbatekoari dagokio. Martxa hori CuidarNos Egunaren barruan egin zen (ongizate integralerako barne programa ofizialki abiarazteko ekitaldia), eta 400 pertsona inguru ibili ziren herriko kaleetan barrena, Udalaren laguntzarekin.

Bertan izan ziren APDISAko hainbat kide, Serafín Iglesias presidentea buru zutela; Karmele Tubilla, Santurtziko alkatea; Ixone Andreu, Gizarte Ekintza eta Berdintasun zinegotzia; San Joan Jainkoarena Anaien Komunitateko nagusia, Mariano Bernabé Anaia; Santurtziko San Joan Jainkoarena Ospitaleko zuzendari-kudeatzailea, Vicente Fernández Zurita; eta zuzendaritza taldeko zenbait kide (Pablo Lledó, Marian Lanzagorta, Maite García Izquierdo, Iñigo Benegas eta Gema Fernández del Arco), Ospitaleko Ongizate Batzordeko ordezkariekin batera.

Ospitaleko ekitaldi aretoan egin zen ekitaldia, eta Serafín Iglesiasek eskerrak eman zizkion Santurtziko San Joan Jainkoarena Ospitaleari, kontuan hartu dituelako CuidarNos lelopean egin den elkartasun martxa hau antolatzeko orduan. «Ekimen polit hau datozen urteetan ere egiten jarraitzea espero dugu». Santurtziko Udalak ere eskerrak eman zizkien «emandako laguntzagatik eta jarrera onagatik» eta baita martxako parte hartzaileei ere, «diru bilketa horren benetako protagonistak direnak. Oso egun polita izan zen, eta espero dut errepikatzen jarraitzea, Ospitaleak eta APDISAk parte hartuz, martxaren izaera herrikoia indartzeko, urtez urte».

Karmele Tubillak urriaren 4an CuidarNos I. Martxa Solidarioan parte hartu zuela gogoratu zuen, eta oso positibotzat jo zuen «orduan bildu zen diru solidario hori, APDISArentzat dagoeneko errealitate bat izatea, Santurtzin lan handia egiten duen erakundearentzat, hain zuzen». Halaber, San Joan Jainkoarenako profesionalen lana eskertu zuen, eta Santurtziko kaleetan barrena ibili ziren adin guztietako 400 pertsonen parte hartzea eskertu zuen, eredu solidario eta integratzaile gisa. «Ikuspegi solidario eta komunitario batetik egiten den guztiak bere fruituak ematen ditu, ez bakarrik arlo ekonomikoan, baita ikusgarritasun eta errekonozimendu aldetik ere, kasu honetan gertatu den bezala».

Bestalde, Maite García Izquierdo Ospitaleko Pertsona eta Baloreen zuzendariak esan zuenez, «CuidarNos I. Martxa Solidarioaren bidez bildutako dirua ematea, batez ere, konpromiso partekatu baten adierazgarri da. Ospitale hau osatzen dutenen ongizatearekiko eta, aldi berean, parte garen komunitatearekiko konpromisoa».

Garcia Izquierdok bereziki eskertu zizkien APDISAri «udalerrian desgaitasuna duten pertsonen alde egindako etengabeko lana» eta Udalari «herritarren martxa aurrera eramateko emandako laguntza eta babes osoa». «Profesional, boluntario, elkarte, erakunde eta eskuzabaltasunez elkartu ziren herritarrengandik» jasotako laguntza ere aipatu zuen.

«Zaintzen dutenak zaintzeko proiektu gisa sortu zen CuidarNos, baina halako ekimenek erakusten dute zaintzak ez duela mugarik, eta partekatutako balio bihurtzen dela», esan zuen amaitzeko.

Elkartasun martxaren ibilbidea herriko ia auzo guztietatik igaro zen. Irteera eta helmuga Santurtziko San Joan Jainkoarena Ospitalean izan ziren, eta handik bi ibilbide abiatu ziren: bata 5 km-koa, eta bestea 2,5 km-koa, egokitua.

Izen emateen bidez lortutako diruaz gain, I. Martxa Solidarioa egin ondoren, parte hartzaileek eta antolatzaileek txosna solidarioaz gozatu ahal izan zuten ospitalean bertan. Bertan janaria, edaria, musika eta sorpresak izan ziren, hala nola erruleta eta ‘photocall’ solidarioak, bildutako dirua osatzeko.

Honakoak izan ziren I. Martxa Solidarioa ahalbidetu zuten pertsonak eta erakundeak: profesionalak, boluntarioak, San Joan Jainkoarena Ospitaleko lagunen sareko kideak, APDISAko bazkideak, Ospitaleko Mendekotasuna duten Helduen Desgaitasun Fisikoko Unitateko erabiltzaileak, Santurtziko Udala eta Santurtziko Udaltzaingoa, Fundación Benéfica Aguirre, Giroa-Veolia, Eurest, Coca-Cola, Ibaizabal Taldea, Caramés farmazia eta Occident Aseguruak.

Gozo Osasungarrien tailerra

/by

Joan den abenduaren 15ean, Gabonetako jaien atariko gisa, Santurtziko San Joan Jainkoarena Ospitaleko Ongizate Batzorde sortu berriak eta Pertsona eta Balioen Arloak Gozoki Osasungarrien Tailer berritzaile bat egin zuten ekitaldi aretoan, CuidarNos proiektuaren barruan.

NutriEskolak eman zuen tailerra, eta bi txandatan egin zen, bata 12:00etan eta bestea 15:30ean. Talde bakoitza hogei partaide inguruk osatu zuten.

Giro atsegin eta alaian hainbat errezeta egin ziren eta hainbat trikimailu partekatu ziren, Gabonetako jaien alderdi gastronomikoa aurten (eta hurrengoetan) osasungarriagoa izan dadin.

Lehen ekimen horren ondoren, azken balorazioa oso positiboa izan zen, eta lehen urratsa izan zen jarduera ugari barne hartuko dituen programa batean. Ospitaleko Pertsonen eta Balioen Arloak eta Ongizate Batzordeak eskerrak eman nahi dizkiete parte hartzaile guztiei.

CuidarNos-i buruz

Pertsonen eta Balioen Arloak eta Gerentziak sustatutako ekimen estrategikoa da CuidarNos proiektua, eta helburua da zentroan egunero pazienteak eta egoiliarrak zaintzeko eta laguntzeko ardura duten profesionalen ongizatea sustatzea.

Ia 300 langileko multzoa izanik, horietatik %75 emakumeak, CuidarNos-ek hiru zutabe nagusi ditu: osasun fisikoa, ongizate emozionala eta ohitura osasungarrien sustapena. Ikuspegi integral horri esker garapen pertsonal eta profesionalean laguntzen zaiei langileei, eta, hala, osasuna hobeto babesten eta lan ingurune osasungarriagoa sortzen laguntzen da.

Proiektua abian jartzea inbertsio estrategikoa ere bada, Ospitalearen eta hori posible egiten duten pertsonen arteko konpromisoa indartzera bideratua. Halaber, espero da laguntza horrek eragin positiboa izatea langileen osasunean, proaktiboki artatzen baititu ekipoen eguneroko ongizateari eragiten dioten faktoreak.

CuidarNos modu naturalean lerrokatzen da San Joan Jainkoarena Ospitale Ordenaren misioarekin eta balioekin, bere asistentzia ereduaren ezaugarri diren abegi onarekin, errespetuarekin eta giza kalitatearekin duen konpromisoa sendotuz. Gainera, proiektu honek begirada jasangarria du, ekonomia zirkularrari eta zaintza partekatuaren kulturari lotutako praktiken aldeko apustua eginez.

Santurtziko San Joan Jainkoarena Ospitaleak Ordenaren lehen Ongizate Batzordea osatu du herrialdean

/by

Santurtziko San Joan Jainkoarena Ospitaleko Pertsonak eta Balioak arloak Ospitaleen Ordenan lehen Ongizate Batzordea sortzea bultzatu du, modu aitzindarian. Ekimen horren helburua da zentroko profesional eta boluntario taldearen ongizatea zaintzea, eta hark planifikatu eta antolatuko du urtero CuidarNos programa. Gainera, talde hori arduratuko da zentroko langileen proposamenak eta feedback-a jasotzeaz, Zuzendaritza Batzordera bideratzeko.

Batzordea honako hauek osatzen dute: Miriam Sánchez, erizaintzako zainketa lagungarrietako teknikaria (TCAE) Kanpo Kontsulten zerbitzuan; Maitane Castaño, fisioterapeuta Errehabilitazio zerbitzuan; Vanessa León, fisioterapeuta Errehabilitazio zerbitzuan; Nekane Legarreta, Kalitateko laguntzailea Pazientearen Arreta zerbitzuan; Leire Sagardui, Pertsonak eta Balioak arloko teknikaria; Gema Fernández del Arco, Zuzendaritzako idazkaria; eta Maite García, Santurtziko San Joan Jainkoarena Ospitaleko Pertsonak eta Balioak saileko zuzendaria.

Espainiako San Joan Jainkoarenaren Pertsonak eta Balioak saila bere zentroetako langileen ongizateari laguntzeko ekimenak bultzatzen ari da. Santurtziko San Joan Jainkoarena Ospitaleak bere ardatz estrategikoetako bat bezala hartu du, eta hortik dator Ongizate Batzorde bat eratzea.

CuidarNos proiektuari dagokionez, Pertsonen eta Balioen sailak eta Gerentziak sustatutako ekimen estrategiko bat da, zentroan lan egiten duten eta pazienteak eta egoiliarrak egunero zaintzeko eta laguntzeko ardura duten profesionalen ongizatea sustatzeko. Duela gutxi Santurtziko kaleetan zehar I. Martxa Solidarioa antolatu du, eta arrakasta handia izan du, 400 pertsona inguru parte hartu baitute.

Ospitaleak 300 langile inguru izanik, horietatik % 75 emakumeak, CuidarNos-ek hiru ardatz nagusi ditu: osasun fisikoa, ongizate emozionala eta ohitura osasungarrien sustapena. Ikuspegi integral horri esker garapen pertsonal eta profesionalean laguntzen zaiei langileei, eta, hala, osasuna hobeto babesten eta lan ingurune osasungarriagoa sortzen laguntzen da.

Santurtziko San Joan Jainkoarena Ospitaleak APDISAren alde antolatutako CuidarNos martxa solidarioaren arrakasta

/by

Duela gutxi egin da Santurtziko San Joan Jainkoarena Ospitalearen I. Martxa Solidarioa CuidarNos Eguna ospatzeko (ongizate integralerako barne programa ofizialki martxan jartzeko ekitaldia), eta arrakasta handia izan zuen. 400 pertsona inguru ibili ziren Santurtziko kaleetan zehar, Santurtziko Pertsona Ezinduen Elkartea (APDISA) onuradun duen ekimen batean.

Herriko ia auzo guztietatik igaro zen elkartasun martxaren ibilbidean Karmele Tubilla Santurtziko alkatea eta Ixone Andreu Gizarte Ekintzako zinegotzia izan ziren.

Adin eta egoera fisiko guztietako jendea bildu zuen ekintzak. Irteera eta helmuga Santurtziko San Joan Jainkoarena Ospitalean izan ziren, eta handik bi ibilbide abiatu ziren: bata 5 km-koa, eta bestea 2,5 km-koa, egokitua. Izena eman zutenek motxila bat, kamiseta bat, ura eta zizka-mizkak jaso zituzten irteeran, eta jan-edanerako postu bat jarri zen ibilbidearen erdian, Gernika parkean.

Martxan Ospitaleko profesionalak, Mendekotasuna duten Helduen Desgaitasun Fisikoko Unitateko (UDFAD) erabiltzaileak, 40 boluntario baino gehiago, San Joan Jainkoarena Ospitaleko lagunen sareko kideak, APDISAko kideak, zentroko profesionalak, senideak eta Santurtziko herritarrak bildu ziren.

Maite García Izquierdo Ospitaleko Pertsonak eta Balioak saileko zuzendariak esan zuenez, «jardunaldi gogoangarria izan da, batez ere UDFADeko erabiltzaileentzat eta APDISAko bazkideentzat. Beraientzat eta martxan parte hartu dugun guztiontzat, oso berezia eta motibagarria izan da Santurtziko kaleetan era honetara paseatzea. Desgaitasunari eta harekin bizi diren pertsonei ikusgarritasuna emateko ere balio izan du, baita haien zaintzaileei ere. Baita, beste behin ere, boluntarioen lan garrantzitsua agerian uzteko ere».

«Gurekin topo egin duten pertsona askok ez zuten ezagutzen desgaitasun fisikoa duten pertsona helduei ematen diegun arreta, duela hamarkada batzuetatik hona gure egoitza unitatean egiten ari garena. Haientzat aurkikuntza bat izan da, eta, beste behin ere, Ospitaleak karisma joanjainkoarenatarra praktikara eramateko duen alderdi aniztasuna erakusten du», gaineratu zuen.

Ospitaleko profesional eta boluntario taldeari buruz, honako hau esan zuen: «ongizaterako eta autozainketarako unea izan da, norberarena eta komunitarioa, ekimen solidario eta, aldi berean, ludikoa; primeran pasatu genuen».

I Martxa Solidarioa egin ondoren, parte hartzaileek eta antolatzaileek txosna solidarioaz gozatu ahal izan zuten ospitalean bertan. Bertan, janaria, edaria, musika eta sorpresak izan ziren, hala nola erruleta eta ‘photocall’ solidarioak.

Antolakuntzak eskerrak espresuki eman nahi dizkie ekitaldia posible egin zuten pertsona eta erakunde guztiei: profesionalak, boluntarioak, San Joan Jainkoarena Ospitaleko lagunen sareko kideak, APDISAko bazkideak, Ospitaleko Mendekotasuna duten Helduen Desgaitasun Fisikoko Unitateko erabiltzaileak, Santurtziko Udala eta Santurtziko Udaltzaingoa, bai eta babesle guztiak ere: Fundación Benéfica Aguirre, Giroa-Veolia, Eurest, Coca-Cola, Grupo Ibaizabal, Caramés Farmazia eta Seguros Occident.

Lehen deialdi honek izan duen harrera bikaina dela eta, Ospitalearen borondatea da ekimenarekin jarraitzea eta urtero errepikatzea.

CuidarNos-i buruz

Santurtziko San Joan Jainkoarena Ospitaleak CuidarNos proiektua aurkeztu zuen apirilean. Pertsona eta Balioen Arloak eta Kudeatzailetzak bultzatutako ekimen estrategikoa da, eta zentroan lan egiten duten profesionalen ongizatea sustatzeko sortu da, horiek baitira egunero pazienteak eta egoiliarrak zaintzeko eta laguntzeko arduradunak.

Ia 300 langileko multzoa izanik, horietatik %75 emakumeak, CuidarNos-ek hiru zutabe nagusi ditu: osasun fisikoa, ongizate emozionala eta ohitura osasungarrien sustapena. Ikuspegi integral horri esker, garapen pertsonal eta profesionalean laguntzen zaiei langileei, eta, hala, osasuna hobeto babesten eta lan ingurune osasungarriagoa sortzen laguntzen da.

Proiektua abian jartzea inbertsio estrategikoa ere bada, Ospitalearen eta hori posible egiten duten pertsonen arteko konpromisoa indartzera bideratua. Halaber, espero da laguntza horrek eragin positiboa izatea langileen osasunean, proaktiboki artatzen baititu ekipoen eguneroko ongizateari eragiten dioten faktoreak.

CuidarNos modu naturalean lerrokatzen da San Joan Jainkoarena Ospitale Ordenaren misioarekin eta balioekin, bere asistentzia ereduaren ezaugarri diren abegi onarekin, errespetuarekin eta giza kalitatearekin duen konpromisoa sendotuz. Gainera, proiektu honek begirada jasangarria du, ekonomia zirkularrari eta zaintza partekatuaren kulturari lotutako praktiken aldeko apustua eginez.

 

El Hospital San Juan de Dios de Santurtzi presentó el pasado mes de abril su proyecto CuidarNos, una iniciativa estratégica impulsada desde su Área de Personas y Valores junto con la Gerencia, con el objetivo de promover el bienestar del equipo de profesionales que trabajan en el centro, responsables de cuidar y acompañar diariamente a pacientes y residentes.

Con una plantilla aproximada de 300 personas, de las que el 75% son mujeres, CuidarNos se estructura en torno a tres pilares clave: salud física, bienestar emocional y promoción de hábitos saludables. Este enfoque integral permite acompañar a las personas trabajadoras en su desarrollo personal y profesional, contribuyendo así a una mayor protección de su salud y a la creación de un entorno de trabajo más saludable.

La puesta en marcha del proyecto representa también una inversión estratégica, orientada a fortalecer el compromiso mutuo entre el Hospital y las personas que lo hacen posible. Asimismo, se espera que este acompañamiento tenga un impacto positivo en la mejora de la salud del personal, al atender de manera proactiva los factores que afectan al bienestar diario de los equipos.

CuidarNos se alinea de forma natural con la misión y los valores de la Orden Hospitalaria de San Juan de Dios, reforzando el compromiso con la hospitalidad, el respeto y la calidad humana que caracterizan su modelo asistencial. Además, este proyecto incorpora una mirada sostenible, apostando por prácticas vinculadas a la economía circular y a una cultura del cuidado compartido.

Santurtziko San Joan Jainkoarena Ospitaleak CuidarNos proiektuari ekin dio, bertako profesionalen ongizatea sustatzeko

/by

Santurtziko San Joan Jainkoarena Ospitaleak CuidarNos proiektuari ekin dio. Pertsona eta Balioen Arloak eta Kudeatzailetzak bultzatutako ekimen estrategikoa da, eta zentroan lan egiten duten profesionalen ongizatea sustatzeko sortu da, horiek baitira egunero pazienteak eta egoiliarrak zaintzeko eta laguntzeko arduradunak.

CuidarNos modu naturalean lerrokatzen da San Joan Jainkoarena Ospitale Ordenaren misioarekin eta balioekin, bere asistentzia ereduaren ezaugarri diren abegi onarekin, errespetuarekin eta giza kalitatearekin duen konpromisoa sendotuz. Gainera, proiektu honek begirada jasangarria du, ekonomia zirkularrari eta zaintza partekatuaren kulturari lotutako praktiken aldeko apustua eginez.

Maite García Izquierdo Ospitaleko Pertsonak eta Balioak arloko zuzendariak azaldu duenez, «programaren diseinua oinarri parte-hartzaile batetik abiatzen da, eta bertan profesionalek beraiek laguntzen dute beren benetako beharretara egokitutako ekintzak eta ekimenak elkarrekin sortzen. Horretarako, lantaldeak eta entzuteko espazioak eratu dira, ospitalearen egunerokotasunari ondoen erantzuten dioten proposamenak identifikatu eta lehenesteko».

Ekintza aipagarrienen artean, osasun aseguru pribatua doan eskuratzeko aukera dago. Neurri horrek, profesionalari balio zuzena emateaz gain, kontziliazioa hobetzen du, zentroan bertan zainketak izatea errazten du, eta laguntzaren jarraitutasuna indartzen du, beharrezkoak ez diren joan-etorriak murriztuz.

Ia 300 langileko multzoa izanik, CuidarNos-ek hiru zutabe nagusi ditu: osasun fisikoa, ongizate emozionala eta ohitura osasungarrien sustapena. Ikuspegi integral horrek aukera ematen du langileei beren garapen pertsonal eta profesionalean laguntzeko, eta, hala, osasuna hobeto babesten eta lan esperientzia hobea izaten laguntzen die.

Proiektua abian jartzea inbertsio estrategikoa ere bada, Ospitalearen eta hori posible egiten duten pertsonen arteko konpromisoa indartzera bideratua. Halaber, espero da laguntza horrek eragin positiboa izatea langileen osasunean, proaktiboki artatzen baititu ekipoen eguneroko ongizateari eragiten dioten faktoreak.

Vicente Fernández Zuritak, Santurtziko San Joan Jainkoarena Ospitaleko zuzendari-kudeatzaileak azpimarratzen duen bezala «CuidarNos bide baten hasiera baino ez da, epe luzera ospitaleko antolaketa ereduaren egitura zutabe gisa sendotzea bilatzen duena. Beste urrats bat zaintzailea zaintzen duen kultura baterantz, San Joan Jainkoarena Ospitale Ordenari ia bost mendez eutsi dion espirituari leial».

Pertsonen eta Balioen Arloak eta ospitaleko Kudeatzailetzak «sakonki» eskertzen dute ongizate kolektibo handiagoa lortzeko bide partekatu hau posible egiten ari diren pertsona guztiek emandako laguntza.