San Joan Jainkoarenaren urratsei jarraituz: Granadarako bidaia, Ospitaleko “0” kilometroa

Lau eguneko bidaia honetarako aurreikusitako programak hainbat jarduera esanguratsu biltzen ditu, San Joan Jainkoarenaren ondarea eta horrek gaixoen osasun-arretan eta zaintzan duen eragina islatzen dutenak.

Gaur, Santurtziko San Juan de Dios Ospitaletik goiz irten ondoren, taldea Granadara iritsiko da eta bertako ostatu batean hartuko du ostatu. Jardunaldiari amaiera emateko, ongietorri afari bat egingo da ostatuan. Bertan, parte-hartzaileek aukera izango dute datozen egunetarako esperientziak eta itxaropenak partekatzeko.

Bigarren eguna gosari goiztiar batekin hasiko da ostatuan, eta ondoren Granadako San Juan de Dios Zentroko San Rafael Ospitaleak harrera beroa egingo dio. Goiza “San Joan Jainkoarenaren Bideak” markatuko dau. Ibilbide historiko, emozional eta debozionalak eramango dau taldea Ospitale Zaharrera, Francisco Benavidesek gidatuta, eta honek santuaren bizitzari eta obrari buruzko bere ezagutza zabalak partekatuko ditu.

Bisitaren ondoren, taldeak bazkari bat egingo du ostatuan eta, ondoren, Basilika arakatu eta Eukaristia batean parte hartzeko aukera izango dute. Jardunaldiari amaiera emateko flamenko ikuskizun bat eta afari bat egingo dira Pisa Museoko Patioan, parte-hartzaileei esperientzia kultural paregabea eskainiz.

Bidaiaren hirugarren eguna ere, larunbata, zirraragarria izango dela agintzen du, Alhambra handiosari bisita gidatua eginez, eta, ondoren, astialdia, parte-hartzaileek hiria bere erritmora esplora dezaten eta Granadako kultura eta edertasunaz goza dezaten.Azkenik, laugarren eguna gosari batekin hasiko da ostatuan, taldeak etxera itzultzeko bidaiari ekin baino lehen, esanahiz eta gogoetaz betetako bidaia baten oroitzapen ahaztezinekin.

Bidaia hau Santurtziko San Juan de Dios Ospitalearen mendeurrena ospatzeko aukera izateaz gain, San Joan Jainkoarenaren ondarea ohoratzeko eta San Joan Jainkoarenaren Ospitale Ordenak behartsuenen zaintzarekin duen konpromisoa berresteko aukera ere bada.

Mendeurrena Granadan ospatzea San Juan de Diosek mundu osoko komunitateen osasun-arretan eta ongizatean duen eragin iraunkorraren lekuko bizia da, errukiak, dedikazioak eta zerbitzu desinteresatuak gaixoen zaintzan duten garrantzia gogoraraziz.

Bidaiarako, taldeak ibilbide egitarau interesgarria eta osoa prestatu du. Esteka honetan kontsulta daiteke.