2026ko Espainiako Optimist Txapelketako hornitzaile mediko ofiziala da Santurtziko San Joan Jainkoarena Ospitalea. Txapelketa hori Espainiako gazte-bela arinaren hitzordu garrantzitsuenetako bat da, eta Abra Itsas Kirol Errege Kluba-Sporting Errege Klubak (AIKEK-SEK) antolatzen du. Aurten, martxoaren 30etik apirilaren 4ra bitartean izango da, Abrako uretan. Nazioarteko belaren harrobi nagusietako bat da txapelketa nautiko hori.

Ospitaleak, AIKEK-SEK klubarekin duen lankidetza-hitzarmenaren kariaz, osasun-euskarria ematen du txapelketan. Horrela, laguntza medikoa bermatzen die parte-hartzaileei, eta areagotu egiten du hainbat autonomia-erkidegotako 150 marinel baino gehiago biltzen dituen ekitaldiaren segurtasuna.

Espainiako Optimist Txapelketan, 6 eta 15 urte bitarteko gazteak aritzen dira, munduko belaren eskola nagusitzat jotzen den aldaeran. AIKEK-SEK klubak hainbat federazio eta entitate laguntzaileren babesarekin antolatu duen txapelketak kirol nautikorako erreferentziazko agertoki gisa kokatu du beste behin ere Abra.

Santurtziko San Joan Jainkoarena Ospitaleak, hornitzaile mediko ofizial gisa presente egonik, indartu egiten du lehen mailako kirol-ekitaldietan osasuna zaintzeko agente aktibo gisa duen zeregina, eta bela-egutegi nazionalean funtsezkoa den hitzordua behar bezala garatzen laguntzen du.

Santurtziko San Joan Jainkoarena Ospitaleak beste kirol-klub batzuk ere babesten ditu, hala nola Itsasoko Ama Arraun Kluba (Sotera), Dinamo de San Juan Futbol Kluba,Emakumeen Zuazo Eskubaloi Kluba, Romo Eskubaloi Kluba eta Jolaseta Errege Kluba.

Osasunaren aldeko konpromisoa gazteen kirolaren arloan

Santurtziko San Joan Jainkoarena Ospitaleak hornitzaile mediko ofizial gisa duen parte-hartzeak kirolaren arloan osasuna sustatzeko duen konpromisoari erantzuten dio, eta AIKEK-SEKekin duen lankidetzan oinarritzen da, hain zuzen ere klubaren zentro mediko ofiziala baita haren jarduera-egutegian.

Akordio horren bidez, Ospitaleak bere esperientzia eta laguntza-baliabideak eskaintzen ditu kirol-lehiaketan. Eskakizun handiko ingurune horretan, osasun-arreta betea ematen die hala kirolariei nola ekitaldiaren antolatzaileei.

Bi entitateen arteko lankidetzak, estaldura medikoaz gain, barnean hartzen ditu osasun-prestakuntzarekin, sentsibilizazioarekin eta gizarte-erantzukizunarekin lotutako ekimenak ere. Sendoa da, beraz, Abraren ingurunean kirola eta osasun-laguntza lotzen dituen harreman instituzionala.