Muskulu supraespinosoaren lesioa, sorbaldako artikulazioan kokatua, gorputz atal honetako lesio ohikoenetako bat da. Patologia horrek eragiten dituen sintoma ohikoenak mina eta artikulazio horretan mugikortasuna edo indarra galtzea dira. Santurtziko San Joan Jainkoarena Ospitaleko Sorbalda Unitatean espezialistak ditugu lesio hori artatzeko, bai eta ohikoak diren beste batzuk ere, hala nola, mahukatxo birakariko tendoien pixkanakako narriadura, errepikatzen diren lanei, kirol lesioei eta antzekoei lotuta dagoena.

Arazoa diagnostikatu ondoren, hura tratatzeko prozesua azterketa erradiologiko oso batetik abiatzen da. Miaketa erradiologiko horri eta pazientearen analisiari esker, profesionalek lesio espezifikoa zehaztu dezakete, eta tratamendu pertsonalizatua agindu, betiere tratamendu kontserbadore batetik abiatuta (kirurgiarik gabe). Zehazki, errehabilitazioaren edo minaren unitatean tratamendu espezifiko baten alde egiten da.

Hala ere, hasierako lesioa oso larria bada, sorbaldako lesioei aurre egiteko Santurtziko San Joan Jainkoarena Ospitaleak ebakuntza gelak eta abangoardiako artroskopia tratamenduak ditu, teknika batere inbaditzailea ez dena.

Jon Elorriaga Vaquero Doktoreak, Ospitaleko aditua Kirurgia Ortopedikoan eta Traumatologian, hurrengo bideo honetan azaltzen ditu xehetasun guztiak.

#GertukoOspitaleBat