Tag Archive for: EAPS

Sestaon hitzaldia izango da bihar, Gabonetan familiarik ez dutenei aurre egiteko

/by

Pertsona maitatu baten galerarekin bizi diren familientzat zaila da Gabonak aurrera eramatea. Hori dela eta, Sestaoko Udaleko Gizarte Ekintza Sailak, Juan Ellacuria Udal Egoitzako Zuzendaritzak proposatuta, hitzaldi bat antolatuko du Ángel Pascual eta Iñigo Santisteban psikologoekin, doluari eta erreakzio emozionalei buruzko hausnarketa partekatu bat egiteko, eta orientabideak emateko, desberdinak izango diren Gabonetako jai horietarako prestatze aldera. Hitzaldia abenduaren 18an, ostegunean, izango da Sabina de la Cruz udal liburutegiko ekitaldi aretoan, 18:30ean.

Ángel Pascual psikologoa doluan aditua da eta Iñigo Santiesteban San Juan de Dios Ospitaleko zainketa aringarrien unitateko psikologoa. Udal-egoitzak etengabeko lankidetzan dihardu dio ospitale horrekin, 2021ean lehen aldiz lankidetza-hitzarmen bat formalizatu zutenetik, La Caixa Fundazioaren “Gaixotasun aurreratuak dituzten pertsonentzako Arreta Integraleko Programaren” barruan. Programa hori joan den azaroan berritu zen, 2028ko abenduaren 31ra arte.

Lankidetza-harreman horri esker, 552 esku-hartze psikologiko indibidual egin ahal izan dira egoiliarrekin; “Zahartzearen bizipenari” buruzko 37 saio egin dira 2 laguntza-talderen bidez; doako laguntza emozionala eman zaie egoiliarren 16 senideri eta laguntza-talde bat sortu da langileekin “Emozioak maneiatzeko eta zaintza-egoerei heltzeko”, zaintzaile gisa edo dolu-prozesuetan dituzten arazoei aurre egiten laguntzeko. “Profesionalaren autozainketa emozionalerako” tailer bat ere sortu da.

Gainera, egoitzako langileen eta San Juan de Dios ospitaleko psikologo profesional baten elkarlanari esker, laguntza-programak hauek garatu dira:

  • “Bakardadea eta bizitzaren amaiera. Zurekin partekatuz”. Bertan, bakardade-egoerak detektatzen dira eta, boluntarioen sare baten bidez, bizitza-amaieran bakardade-arriskuan edo -egoeran dauden egoiliarrei laguntzen zaie.
  • “Arreta emozionala, soziala eta espirituala egoitzetan”, egoiliarrei, senideei eta gure egoitzako laguntza-taldeari laguntza emozionala emateko.

Bereziki aipatu behar da dementzia aurreratuak dituzten pertsonei zuzendutako esku-hartzea, “Laztandu” izenekoa, Zainketa Aringarrien Espainiako Elkartearen Kongresuan aurkeztu dena 2024an eta 2025ean, eta “jardunbide egoki” gisa ere aitortua izan dena, Bizkaiko Foru Aldundiak aipamen berezia egin baitio 2023an, bere balio erantsiagatik, premia psikosozialen aurreko erantzuna indartu baitu, jarduera esanguratsuekin egokitutako espazioak eta interakzioak sortuz, harreman-aukeretarako iturri diren egoiliarren bizitza-historien arabera.

Zerbitzu horiek guztiak gehitu behar zaizkie Osakidetzarekin sinatutako hitzarmenari esker eskainitakoei, honako hauetarako aukera ematen dutenak:

  • Egoiliarren historia klinikoaren erabilera partekatua, osasun-laguntza hobea emateko aukera ematen duena, bi erakundeetako profesionalek kontsultatu eta datu klinikoak txertatu ahal izan ditzaten.
  • Sendagai-gordailu bat ezartzea, Barakaldo-Sestao ESIarekin kudeaketa partekatua egiteko aukera ematen duena, eta San Eloy Ospitalean esleitutako farmazialari bat izatea, gure egoiliarrei kalitatezko farmazia-arreta emateko.

Eta hiru urtez “ISO 9001:2015 kalitatea kudeatzeko sistemen ziurtagiria” berritzen laguntzen dute, erakundearen funtzionamenduan kalitate-sistema bat integratzen dela ziurtatuz. Sistema horren eraginkortasuna aldizka egiaztatzen da, dagozkion ekintza zuzentzaileak edo hobekuntzak ezartzeko.

Hori guztia ez litzateke posible izango eguneroko ahaleginarekin udal-egoitzan ematen den zerbitzuaz oso harro sentiarazten gaituzten langile guztien inplikaziorik gabe. Eta lan on horrek iragartzen dugun hitzaldi honen moduko ekintzekin ateak irekitzen ditu, profesionalen laguntza herritar guztioi eskaintzeko.​

 

Santurtziko San Joan Jainkoarena Ospitaleak APDISAren alde antolatutako CuidarNos martxa solidarioaren arrakasta

/by

Duela gutxi egin da Santurtziko San Joan Jainkoarena Ospitalearen I. Martxa Solidarioa CuidarNos Eguna ospatzeko (ongizate integralerako barne programa ofizialki martxan jartzeko ekitaldia), eta arrakasta handia izan zuen. 400 pertsona inguru ibili ziren Santurtziko kaleetan zehar, Santurtziko Pertsona Ezinduen Elkartea (APDISA) onuradun duen ekimen batean.

Herriko ia auzo guztietatik igaro zen elkartasun martxaren ibilbidean Karmele Tubilla Santurtziko alkatea eta Ixone Andreu Gizarte Ekintzako zinegotzia izan ziren.

Adin eta egoera fisiko guztietako jendea bildu zuen ekintzak. Irteera eta helmuga Santurtziko San Joan Jainkoarena Ospitalean izan ziren, eta handik bi ibilbide abiatu ziren: bata 5 km-koa, eta bestea 2,5 km-koa, egokitua. Izena eman zutenek motxila bat, kamiseta bat, ura eta zizka-mizkak jaso zituzten irteeran, eta jan-edanerako postu bat jarri zen ibilbidearen erdian, Gernika parkean.

Martxan Ospitaleko profesionalak, Mendekotasuna duten Helduen Desgaitasun Fisikoko Unitateko (UDFAD) erabiltzaileak, 40 boluntario baino gehiago, San Joan Jainkoarena Ospitaleko lagunen sareko kideak, APDISAko kideak, zentroko profesionalak, senideak eta Santurtziko herritarrak bildu ziren.

Maite García Izquierdo Ospitaleko Pertsonak eta Balioak saileko zuzendariak esan zuenez, «jardunaldi gogoangarria izan da, batez ere UDFADeko erabiltzaileentzat eta APDISAko bazkideentzat. Beraientzat eta martxan parte hartu dugun guztiontzat, oso berezia eta motibagarria izan da Santurtziko kaleetan era honetara paseatzea. Desgaitasunari eta harekin bizi diren pertsonei ikusgarritasuna emateko ere balio izan du, baita haien zaintzaileei ere. Baita, beste behin ere, boluntarioen lan garrantzitsua agerian uzteko ere».

«Gurekin topo egin duten pertsona askok ez zuten ezagutzen desgaitasun fisikoa duten pertsona helduei ematen diegun arreta, duela hamarkada batzuetatik hona gure egoitza unitatean egiten ari garena. Haientzat aurkikuntza bat izan da, eta, beste behin ere, Ospitaleak karisma joanjainkoarenatarra praktikara eramateko duen alderdi aniztasuna erakusten du», gaineratu zuen.

Ospitaleko profesional eta boluntario taldeari buruz, honako hau esan zuen: «ongizaterako eta autozainketarako unea izan da, norberarena eta komunitarioa, ekimen solidario eta, aldi berean, ludikoa; primeran pasatu genuen».

I Martxa Solidarioa egin ondoren, parte hartzaileek eta antolatzaileek txosna solidarioaz gozatu ahal izan zuten ospitalean bertan. Bertan, janaria, edaria, musika eta sorpresak izan ziren, hala nola erruleta eta ‘photocall’ solidarioak.

Antolakuntzak eskerrak espresuki eman nahi dizkie ekitaldia posible egin zuten pertsona eta erakunde guztiei: profesionalak, boluntarioak, San Joan Jainkoarena Ospitaleko lagunen sareko kideak, APDISAko bazkideak, Ospitaleko Mendekotasuna duten Helduen Desgaitasun Fisikoko Unitateko erabiltzaileak, Santurtziko Udala eta Santurtziko Udaltzaingoa, bai eta babesle guztiak ere: Fundación Benéfica Aguirre, Giroa-Veolia, Eurest, Coca-Cola, Grupo Ibaizabal, Caramés Farmazia eta Seguros Occident.

Lehen deialdi honek izan duen harrera bikaina dela eta, Ospitalearen borondatea da ekimenarekin jarraitzea eta urtero errepikatzea.

CuidarNos-i buruz

Santurtziko San Joan Jainkoarena Ospitaleak CuidarNos proiektua aurkeztu zuen apirilean. Pertsona eta Balioen Arloak eta Kudeatzailetzak bultzatutako ekimen estrategikoa da, eta zentroan lan egiten duten profesionalen ongizatea sustatzeko sortu da, horiek baitira egunero pazienteak eta egoiliarrak zaintzeko eta laguntzeko arduradunak.

Ia 300 langileko multzoa izanik, horietatik %75 emakumeak, CuidarNos-ek hiru zutabe nagusi ditu: osasun fisikoa, ongizate emozionala eta ohitura osasungarrien sustapena. Ikuspegi integral horri esker, garapen pertsonal eta profesionalean laguntzen zaiei langileei, eta, hala, osasuna hobeto babesten eta lan ingurune osasungarriagoa sortzen laguntzen da.

Proiektua abian jartzea inbertsio estrategikoa ere bada, Ospitalearen eta hori posible egiten duten pertsonen arteko konpromisoa indartzera bideratua. Halaber, espero da laguntza horrek eragin positiboa izatea langileen osasunean, proaktiboki artatzen baititu ekipoen eguneroko ongizateari eragiten dioten faktoreak.

CuidarNos modu naturalean lerrokatzen da San Joan Jainkoarena Ospitale Ordenaren misioarekin eta balioekin, bere asistentzia ereduaren ezaugarri diren abegi onarekin, errespetuarekin eta giza kalitatearekin duen konpromisoa sendotuz. Gainera, proiektu honek begirada jasangarria du, ekonomia zirkularrari eta zaintza partekatuaren kulturari lotutako praktiken aldeko apustua eginez.

 

El Hospital San Juan de Dios de Santurtzi presentó el pasado mes de abril su proyecto CuidarNos, una iniciativa estratégica impulsada desde su Área de Personas y Valores junto con la Gerencia, con el objetivo de promover el bienestar del equipo de profesionales que trabajan en el centro, responsables de cuidar y acompañar diariamente a pacientes y residentes.

Con una plantilla aproximada de 300 personas, de las que el 75% son mujeres, CuidarNos se estructura en torno a tres pilares clave: salud física, bienestar emocional y promoción de hábitos saludables. Este enfoque integral permite acompañar a las personas trabajadoras en su desarrollo personal y profesional, contribuyendo así a una mayor protección de su salud y a la creación de un entorno de trabajo más saludable.

La puesta en marcha del proyecto representa también una inversión estratégica, orientada a fortalecer el compromiso mutuo entre el Hospital y las personas que lo hacen posible. Asimismo, se espera que este acompañamiento tenga un impacto positivo en la mejora de la salud del personal, al atender de manera proactiva los factores que afectan al bienestar diario de los equipos.

CuidarNos se alinea de forma natural con la misión y los valores de la Orden Hospitalaria de San Juan de Dios, reforzando el compromiso con la hospitalidad, el respeto y la calidad humana que caracterizan su modelo asistencial. Además, este proyecto incorpora una mirada sostenible, apostando por prácticas vinculadas a la economía circular y a una cultura del cuidado compartido.

Santurtziko San Joan Jainkoarena Ospitalean ‘Zaindu, itxaropen zeinua’ hitzaldia izango da bihar

/by

Santurtzi, 2025eko otsailaren 26a Santurtziko San Joan Jainkoarena Ospitaleak ‘Zaindu, itxaropenaren seinale’ hitzaldia eskainiko du bihar, arratsaldeko 18.00etan, Santurtziko San Juan de Dios Ospitaleko Zainketa Aringarrien Unitateko koordinatzaile eta Arreta Psikosozialeko Taldeko (APT) zuzendari Julio Gómez doktoreak. Sarrera librea eta doakoa da, lekua bete arte.

Jarduera Santurtziko San Joan Jainkoarena Ospitaleko Arreta Espiritual eta Erlijiosoko Zerbitzuak (SAER) antolatu dau, Bilboko Elizbarrutiko I. Bikariotzako pastoral unitateagaz batera (Santurtzi, Portugalete, Barakaldo, Sestao, Errekarte eta Meatzaldea). Hori dala-ta, eskualde osoko jendea bertaratzea espero da.

Hitzaldia hilabetearen barruan antolatu da, Gaixoaren Munduko Jardunaldia ospatzeko eta “Itxaropenaren erromesak” 2025eko Jubileoaren gaiarekin lotuta.

Dolu prozesua zainketa aringarrien unitate batean

/by

Zainketa aringarrien unitate bateko dolu prozesua ulertzeko, lehenik eta behin ulertu behar da zainketa aringarriak ikuspegi integral bat direla, gaixotasun larriak dituzten pazienteen eta haien familien bizi kalitatea hobetzeko diseinatua, eta, horretarako, mina eta beste sintoma fisiko batzuk arintzen direla, laguntza emozionala, soziala eta espirituala emateaz gain. Arreta mota hori ez da bizitzako azken egunetara mugatzen; gaixotasun larri baten edozein etapatan has daiteke, eta sendatzeko tratamenduekin batera eman daiteke, pazientearen eta haren hurkoen behar indibidualetara egokituta.

Gainera, zainketa aringarriek doluari heltzen diote, eta hori arretaren funtsezko zati bat da, bai gaixoarentzat, bai haren senideentzat. Dolua bitan banatzen da: lehenik, bere bizitzaren galerari aurre egiten dion pertsonaren beraren dolua, eta, bigarrenik, maite dituenen dolua. Galerara egokitzeko prozesu hori naturala da, eta ez da gaixotasun bat, nahiz eta batzuetan laguntza espezializatua behar izaten den. Zainketa aringarrietako taldeek laguntza hori eskaintzeko gaitasuna dute, doluaren garapen normala ahalbidetuz eta konplikazio psikologiko edo patologiko bihur dadin prebenituz.

Julio Gómez doktoreak, Santurtziko San Joan Jainkoarena Ospitaleko Zainketa Aringarrien Unitateko koordinatzaileak, bizitzaren amaierako akonpainamenduaren eta doluaren gaian sakontzen du bideo honetan.

San Joan Jainkoarena Ospitale Ordenako zainketa aringarrien asistentzia-eredua aztertuko du jardunaldi monografiko batek Bilbon

/by

Deustuko Unibertsitatearen Mendeurreneko Auditorioan, apirilaren 25ean, Zainketa Aringarrien Jardunaldia egingo da San Joan Jainkoarena asistentzia-eredutik abiatuta. Jardunaldi hori Santurtziko San Juan de Dios Ospitalearen mendeurreneko ekitaldien urteko egitarauan sartzen da. Horrela, hainbat diziplinatako eta Espainiako hainbat lekutatik etorritako dozenaka profesionalek eremu soziosanitario honetako gai garrantzitsuenak eta San Juan de Dios Ospitale Ordenak duela hamarkada batzuetatik egiten duen ekarpena eta eginkizuna jorratuko dituzte foro honetan. Jardunaldietara joatea librea eta doakoa da, baina aldez aurretik izena eman behar da esteka honetan. Halaber, programa osoa ospitalearen webgunean dago eskuragarri, gaztelaniaz zein euskaraz. Ekitaldiak IDOM konpainiaren laguntza du.

Gotzone Sagardui, Eusko Jaurlaritzako Osasun sailburua, izango da inaugurazioan. Amador Fernández, San Juan de Dios Ospitale Ordenako probintzia-gorena; Karmele Tubilla, Santurtziko alkatea; Vicente Fernández, Santurtziko San Juan de Dios Ospitaleko zuzendari-kudeatzailea; eta Jacinto Batiz, batzorde zientifikoetako presidentea eta jardunaldiaren antolatzailea eta Santurtziko San Juan de Dios Ospitaleko Hobeto Zaintzeko Institutuko zuzendaria.

Eduki zientifikoa abiatu aurretik, lankidetza-hitzarmen bat sinatuko dute Bilboko Medikuntza Zientzien Akademiak eta Santurtziko San Juan de Dios Ospitaleak, bi arduradun nagusik, Agurtzane Ortiz Akademiako lehendakariak, eta Vicente Fernández Zurita Ospitaleko zuzendari-gerenteak.

Inaugurazio-hitzaldia Hno-ren eskutik izango da. José María Bermejo, San Juan de Dios Ospitale Ordenako kontseilari probintziala, “Zainketa aringarrien printzipio inspiratzaileak eta San Juan de Dios erakundeak” hitzaldiarekin.

Jarraian, jardunaldiaren lehen mahai-inguruari ekingo zaio. Bertan, minaren gaia landuko da osasun-arloko hainbat ikuspegitatik: medikuntza, erizaintza, psikologia, gizarte-lana eta arreta espirituala. Bertan parte hartuko dute Juan Luis Rodríguez, Madrilgo San Rafael Ospitaleko Barne Medikuntzako zerbitzuburuak; Estibaliz Bañales, Santurtziko San Juan de Dios Ospitaleko Zainketa Aringarrien Unitateko erizainak; Juan Pedro Arbizu, Iruñeko San Juan de Dios Ospitaleko psikologoak; Rafael Vidaurreta, Madrilgo Instituto San José Fundazioko gizarte-langileak; eta Walter Acuña, Santanderreko Santa Clotilde Ospitaleko Arreta Espiritual eta Erlijiosoko Zerbitzuko arduradunak.

Jardunaldiaren bigarren mahai-inguruak arreta psikosoziala izango du ardatz. Esku hartzen lehen aditua Montse Buisán izango da, “la Caixa” Fundazioaren Gizarte Programen zuzendari korporatiboa, gaixotasun aurreratuak dituzten pertsonei arreta integrala emateko programa aurkeztuko duena. Haren ondoren, Santurtziko San Juan de Dios ospitaleko psikologoek, Estibaliz Montoyak eta Nereida Corralek, arreta psikosoziala azalduko dute etxeetan eta egoitzetan, hurrenez hurren. Azken hitzaldia Ainhoa Rodríguez arteterapeutak egingo du.

Hirugarren mahaiaren gai nagusia irakaskuntza izango da. Bertan, Jacinto Batiz Santurtziko San Juan de Dios Ospitalean hezitako ikasleen testigantzak gogoratuko ditu. Agurtzane Ortiz Bilboko Medikuntza Zientzien Akademiako presidente eta UPV/EHUko Neurozientzietako irakasleak azalduko du Euskal Herriko Unibertsitateak ospitalearen laguntzarekin abian jarritako “Zainketa aringarrietako arreta integrala” unibertsitate-graduondoko esperientziaren berri. Azkenik, Amaia Rueda (MIR) eta Andrea Jullien (EIR) medikuntza eta erizaintzako egoiliarrek parte hartuko dute, Santurtziko San Juan de Dios Ospitaleko Arreta Psikosozialeko Taldearekin (EAPS) batera.

Bioetika izango da jardunaldiko laugarren mahai-inguruaren protagonista, eta gai hauek jorratuko dira, besteak beste: sedazio aringarria eta ahalegin terapeutikoaren egokitzapena, etika asistentzialeko batzordeen zeregina eta heriotza aurreratzeko nahia. Zaragozako San Juan de Dios Ospitaleko zuzendari mediko Emilio González, San Juan de Dios Ospitale Ordenako Etika eta Bioetikako koordinatzaile Carmen Masé eta Bioetikako Borja Institutuko (Ramon Llul Unibertsitatea) zuzendari nagusi Montse Esquerda adituek parte hartuko dute.

Eguneko azken mahai-inguruak arreta aringarriaren erronka nagusietako bi aztertuko ditu: zainketa aringarri pediatrikoak eta egoitza-inguruetako pazienteak. Sergi Navarro pediatra eta Bartzelonako Sant Joan de Déu Ospitaleko Arreta Aringarriko eta Paziente Kroniko Konplexuko Unitateko buruak eta Nicolás Flaquer mediku geriatra eta Palmako Sant Joan de Déu Ospitaleko zuzendari medikoak landuko dituzte gai biak, hurrenez hurren.

Amaitzeko, Javier Rocafort Iruñeko San Juan de Dios ospitaleko mediku aringarria izango da hizlari, eta “Etorkizunari begirada bat zainketa aringarrietan” hitzaldia emango du bertan.

Ekitaldiari amaiera emateko, Ebola poema sinfonikoa aurkeztuko du egileak, Hno. Ramón Castejón, San Juan de Dios Ospitale Ordenako Kuria Probintzialeko kidea.